Lehenik eta behin, aipatu behar da IKT-en laguntza beharrezkoa dela irakaskuntza-ikaskuntza prozesu berritzaileak diseinatzeko. Honetan, egile tresna ezberdinak erabiltzea ezinbestekoa da, ikasketa-inguru dinamikoa sortzen laguntzen baitute. Helburuak, hezkuntza materialak formatu digitalean sortzea, kudeatzea eta argitaratzea dira eta unitate didaktiko digital osoak sortzea errazten dute.
Moduluetan antolaturik daude. Eskola testuinguruan, matematikan, ingurunea, plastika, atzerriko hizkuntza, soinketa … ikasgaietan.
Irakasleek tresna hauek erabiltzeko prestakuntza edo formakuntza bat izatea komenigarria da, konplexutasun maila batekoak baitira. Gainera, ikasgeletan IKT-ak gero eta tresna ohikogoak bihurtzen ari dira eta horrek etengabeko prestakuntza eskatzen du.
Gure ustez, eskoletan IKT-en erabilpena aurrerapen handia da, izan ere, sarean informazioa bilatzea eta elkarren artean trukatzea ahalbidetzen du. Honela, ikasleek ikasteko modu berri eta interesgarri bat da, probetxua atera beharrekoa. Baina, hauen erabilpenerako irakasleek neurri batzuk ezarri behar dituztela pentsatzen dugu, erabilera egoki baten alde.
Hezteko Objektu Digital bat produzitzeko egokitu zaigun egile tresna “Ardora” izan da. Egile tresna honek hainbat gabezia dituela ikusi dugu. Batetik, erraz blokeatzen dela ikusi dugu eta bestetik, sortutako HOD gordetzeko garaian, nahiko konplexua dela iruditu zaigu.
